Loading

ჩვენს შესახებ

რენდომ სისტემს ჯორჯია საერთაშორისო კომპანიის Random Systems International-ის შვილობილი კომპანიაა, რომელიც თავის მხრივ Random Group-ს მიეკუთვნება. რენდომ სისტემსი საქართველოს მთავრობის მიერ შერჩეული პირია, რომელმაც უნიკალური მაღალტექნოლოგიური ელექტრონული სისტემა დანერგა. ამ სისტემის დახმარებით კომპანია სათამაშო ინდუსტრიის პროდუქტებისა და მომსახურების საერთაშორისო სტანდარტებთან და საქართველოში მოქმედი კანონმდებლობის მოთხოვნებთან შესაბამისობას უწევს მონიტორინგს. 

ჩვენი ძირითადი საქმიანობაა თამაშობების ორგანიზატორებისა და მიმწოდებლების ზედამხედველობა, მთლიანად სათამაშო ინდუსტრიის მონიტორინგი და კონტროლი. 
ასევე, ჩვენი კომპეტენციის ფარგლებში, სათამაშო ბიზნესში მოქმედი მსოფლიო   პრაქტიკის და სტანდარტების შესახებ შესაბამისი სახელმწიფო უწყებებისთვის რჩევების და რეკომენდაციების გაცემა - მათი ეტაპობრივი განხორციელების მიზნით. ეს საბოლოოდ სამართლიანი თამაშისთვის საჭირო პირობების შექმნას ემსახურება.
კონტროლის ელექტრონული სისტემის მიერ სათამაშო პროცესის სრული მონიტორინგი და კონტროლი მიმდინარეობს მოთამაშეების ნებისმიერ პერსონალურ მონაცემებზე წვდომის გარეშე.

ჩვენი მისიაა სათამაშო ბიზნესი საქართველოში გახდეს მეტად გამჭვირვალე, სახელმწიფოს გააჩნდეს კონტროლისა და მონიტორინგის დახვეწილი და თანამედროვე საშუალებები, რაც გაზრდის მოთამაშეთა ნდობას პროცესის მიმართ და უზრუნველყოფს სამართლიან თამაშს რეგულირებად გარემოში. თავის მხრივ კი სწორად განვითარებული სარეგულაციო ჩარჩოს პირობებში ქვეყანაში შესაძლებელია გაჩნდეს ეკონომიკის განვითარების დამატებითი საშუალებები და მიმზიდველი გარემო მოცულობითი უცხოური ინვესტიციებისთვის. 

scroll

ყველა სიახლე

რენდომ სისტემს ჯორჯია SBC სამიტზე ლისაბონში
პორტუგალიაში, ქ. ლისაბონში SBC სამიტი მიმდინარეობს. ინდუსტრიის წამყვანი  25 ათასი დელეგატი ლისაბონის საერთაშორისო საგამოფენო კომპლექსში გამოცდილების გაზიარების, თანამშრომლობის  შესაძლებლობების მოძიების და  ინდუსტრიის ინოვაციების გასაცნობად შეიკრიბა.
"რენდომ სისტემს ჯორჯია" ლისაბონში მიმდინარე ღონისძიებას ესწრება და ლიდერების სამიტშიც მონაწილეობს. კომპანიის წარმომადგენლები ინდუსტრიის სპეციალისტებს  კომპანიის ხედვას და საკუთარ მოსაზრებებს უზიარებენ. 
კომპანიის იურიდიული სამსახურის ხელმძღვანელი გიორგი წამალაიძე გლობალური ბაზრის - ბალკანეთისა და აღმოსავლეთ ევროპის რეგიონული მრგვალი მაგიდის თანაწამყვანია, რომლის ფარგლებში ხდება ახალი შესაძლებლობების გაზიარება ლიცენზიების მაძიებლებისთვის და სადაც რეგიონული ბაზრის რეგულირებად იურისდიქციებში არსებულ გამოწვევებს განიხილავენ.