Loading

ყველა სიახლე

რენდომ სისტემს ჯორჯია საერთაშორისო გამოფენაზე ICE 2024
ლონდონში ყოველწლიური საერთაშორისო ღონისძიება ICE (International Casinos Exhibition) 2024 გაიხსნა. სამი დღის განმავლობაში სათამაშო ბიზნესის პროფესიონალები და სხვადასხვა ინოვაციური გადაწყვეტილებების მომწოდებლები მთელი მსოფლიოდან ლონდონის ყველაზე დიდ საგამოფენო სივრცეში შეიკრიბებიან. გამოფენაზე 167 ქვეყანაა წარმოდგენილი. ICE უნივერსალური პლატფორმაა, სადაც ინდუსტრიის ყველა სექტორია წარმოდგენილი. მაღალტექნოლოგიური ღონისძიება ბიზნესის გაფართოებას, განვითარებას და ურთიერთობების გაღრმავებას ემსახურება. “საერთაშორისო გეიმინგ ლაბორატორიებთან და თამაშის მწარმოებლებთან პირისპირ შეხვედრა არის გარანტია, რომ ქვეყანაში მიმდინარე საკანონმდებლო და ზოგადად სარეგულაციო მოთხოვნებთან დაკავშირებით იარსებებს მკაფიო, ნათელი და ერთმნიშვნელოვანი მიდგომები ინდუსტრიაში, რაც დასახული მიზნების მიღწევისა და რაც მთავარია, დადგენილი სტანდარტების შესაბამისი დოკუმენტაციის დროულად წარმოდგენის გარანტია იქნება. განსაკუთრებით აღსანიშნავია შეხვედრა დიდი ბრიტანეთის სათამაშო ბიზნესის კომისიასთან, რაც გვჯერა, რომ ნაყოფიერი თანამშრომლობის საფუძველი იქნება ორ იურისდიქციას შორის” - ამბობს გიორგი წამალაიძე, რენდომ სისტემს ჯორჯიას იურიდიული დეპარტამენტის ხელმძღვანელი. 

iGaming Crossroads Summit 2023 თბილისში
iGaming Crossroads Summit-ს  დეკემბერში საქართველომ უმასპინძლა. თავისი უნიკალური მდებარეობის გამო ევროპასა და აზიას შორის, საქართველო არის ცენტრალური ადგილი, სადაც ბეთინგისა და გეიმინგის ინდუსტრიის ლიდერები შეიკრიბნენ. ადგილობრივი და საერთაშორისო სათამაშო სექტორის წარმომადგენლებმა განიხილეს კანონმდებლობა და რეგულაცია, ქცევის კოდექსი, პასუხისმგებლიანი თამაში, ახალი ტექნოლოგიები სათამაშო ბიზნესში და ა.შ. მოწვეულმა ექსპერტებმა ონლაინ თამაშის ტრენდებზე ისაუბრეს, ერთმანეთს გაუზიარეს სხვადასხვა ქვეყნების კანონმდებლობები და რეგულაციები. რენდომ სისტემს ჯორჯიას კონფერენციაზე  იურიდიული დეპარტამენტის ხელმძღვანელი, გიორგი წამალაიძე წარმოადგენდა. თავის გამოსვლაში მან ყურადღება გაამახვილა რეგულაციის თემებზე საქართველოში, სარეკლამო აკრძალვებზე, ლიცენზიებზე, ფულის გათეთრების საწინააღმდეგო გამოწვევებზე და პასუხისმგებლიანი თამაშის შესახებ ინიციატივებზე. მან ისაუბრა თუ რა გავლენას ახდენს  ეს ცვლილებები მთლიანად სათამაშო სექტორზე.  

რენდომ სისტემს ჯორჯია BEGE 2023-ზე
Balkan Entertainment and Gaming Expo  2023 (BEGE) გაიხსნა დღეს სოფიაში. 65 ქვეყნიდან 6000-ზე მეტი მონაწილე შეიკრიბა ბულგარეთში, რომ წარმოადგინონ და ერთმანეთს გაუზიარონ ინდუსტრიის სიახლეები და სხვადასხვა ინოვაციური გადაწყვეტილებები. BEGE ერთერთი ყველაზე მნიშვნელოვანი ღონისძიებაა ევროპაში სათამაშო ბიზნესის სფეროში.  ეს არის შეხვედრების, დებატების, ურთიერთობის საკმაოდ დიდი პლატფორმა,  რომელშიც ჩართულია მოთხოვნისა და მიწოდების მიმართულებები, რეგულატორები, მესამე მხარეები და ინდუსტრიის ლიდერები.  ეს გამოფენა კარგი საშუალებაა რომ ადგილობრივი კომპანიები გაფართოვდნენ, გლობალურმა კომპანიებმა წარმოადგინონ საკუთარი პროდუქცია, ვიზიტორები კი გაეცნონ უახლეს მიღწევებს.  “ძალიან მნიშვნელოვანია ასევე სამიტი, რომელიც გამოფენის ფარგლებში ტარდება, აქ ერთმანეთს ხვდებიან პროფესიონალები ოფლაინ და ონლაინ სექტორებიდან, ასევე რეგულატორები და ექსპერტები, რომლებიც ცვლიან ინფორმაციას, გამოცდილებას და იდეებს. აქ შესაძლებელია მივიღოთ უახლესი ინფორმაცია და ანალიზი სათამაშო ბიზნესის რეგულაციისა და ტექნოლოგიური განვითარების შესახებ მსოფლიოში” - ამბობს გიორგი წამალაიძე, რენდომ სისტემს ჯორჯიას იურიდიული სამსახურის ხელმძღვანელი. წლევანდელი ფორუმის თემებია - სათამაშო ბიზნესი და ხელოვნური ინტელექტი, ციფრული მარკეტინგის ტრენდები, ასევე  ვითარება რეგულაციებისა და პასუხისმგებლიანი თამაშის ნაწილში და მათი მომავალი. 

მარეგულირებლების საერთაშორისო ასოციაციის ყოველწლიური კონფერენცია, ბოტსვანა 2023
სათამაშო ბიზნესის მარეგულირებლების საერთაშორისო ასოციაციის ახალმა პრეზიდენტმა ბენ ჰადენმა ბოტსვანის საერთაშორისო კონფერენცია შეაჯამა. მან მადლობა გადაუხადა ყველა სპიკერს, ექსპერტს, პანელში მონაწილეებს, სპონსორებს, პარტნიორებს და ხაზი გაუსვა მათი თანამშრომლობის მნიშვნელობას. ბენ ჰადენი საერთაშორისო ასოციაციის ახალ პრეზიდენტად ბოტსვანის კონგრესზე წარადგინეს.  “შემდეგი ორი წლის განმავლობაში მე გავაგრძელებ წინა პრეზიდენტის, ჯეისონ ლეინის დაწყებულ საქმეებს. ახლა სათამაშო ბიზნესის რეგულაციის სფეროში ყოფნა დიდი გამოწვევაა. ჩვენ წავახალისებთ სხვადასხვა იურისდიქციებსა და პარტნიორებს შორის თანამშრომლობის გაძლიერებას და საუკეთესო გამოცდილების გაზიარებას ჩვენი გაერთიანების სიმტკიცისთვის” - განაცხადა ბენ ჰადენმა.
საერთაშორისო ასოციაციის შემდეგი ყოველწლიური კონფერენცია 2024 წელს რომში გაიმართება. 

SBC სამიტი თბილისში


თბილისმა iGaming-ისა და სპორტული ბეთინგის პირველ SBC სამიტს უმასპინძლა.
შავი ზღვის, აღმოსავლეთ ევროპის და ცენტრალური აზიის რეგიონების უმსხვილეს  საერთაშორისო კონფერენციაზე  ინდუსტრიის ლიდერები, დარგის ექსპერტები და  ინოვაციური ციფრული პროგრამებისა და ტექნოლოგიების მომწოდებლები შეიკრიბნენ. 
SBC სამიტზე ორმოცამდე მომხსენებელმა განიხილა საქართველოს, უკრაინის, სომხეთის, ბულგარეთის და რუმინეთის ფართომასშტაბიან ბაზრებზე არსებული ახალი შესაძლებლობები iGaming-ისა და სპორტული ბეთინგის სექტორში.
სამიტზე “რენდომ სისტემს ჯორჯია”-ს კომპანიის იურიდიული სამსახურის ხელმძღვანელი, გიორგი წამალაიძე წარმოადგენდა. მან სათამაშო ბიზნესის მარეგულირებელი საკანონმდებლო ჩარჩოს განვითარებაზე, მნიშვნელოვან ცვლილებებსა და ტენდენციებზე ისაუბრა. კითხვები შეეხებოდა როგორც შერჩეული პირის საქმიანობას, ასევე ინდუსტრიის განვითარების და საქართველოს, როგორც iGaming-ის ჰაბად ჩამოყალიბების შესაძლებლობებს.
 

რენდომ სისტემს ჯორჯია საერთაშორისო გამოფენაზე ICE London 2023
"რენდომ სისტემს ჯორჯია" სათამაშო ბიზნესთან დაკავშირებულ ყველაზე მასშტაბურ ღონისძიებაში -  ICE London 2023 - მონაწილეობს. ICE აერთიანებს საინტერესო გადაწყვეტებისა და სათამაშო ბიზნესის პროფესიონალებს, ისევე როგორც ამავე სფეროს მარეგულირებლებს მთელი მსოფლიოდან. წელს გამოფენას ესწრება 35000-ზე მეტი მონაწილე, 650-მდე კომპანია წარმოდგენილია 150-ზე მეტი ქვეყნიდან. ინდუსტრიის წარმომადგენლების ეს ყოველწლიური შეკრება შესანიშნავ და ექსკლუზიურ შესაძლებლობას წარმოადგენს როგორც  ტექნოლოგიური, ისე სოციალიზაციის კუთხით. კომპანიისთვის ძალიან მნიშვნელოვანია იყოს ამ საერთაშორისო გამოფენის ნაწილი, შევხვდეთ კოლეგებს მთელი მსოფლიოდან, ჩვენი წვლილი შევიტანოთ ინდუსტრიის განვითარებაში და საკუთარ ქვეყანაში მისი საუკეთესო ნაწილი გავაზიაროთ. წარმოვადგენთ საქართველოს და ვქმნით ახალ შესაძლებლობებს ქვეყნისთვის, ინვესტორებისა და დაინტერესებული კომპანიების სახით, იმავდროულად კომპანია ორიენტირებულია სახელმწიფო პოლიტიკისა და განვითარების გაცხადებული კურსის შესრულებაზე.